מארז ביטחון לדרך
פסוקים קצרים לרגעים שבהם צריך לחזור פנימה: לתקווה, מחסה וביטחון.
כאן מרוכזים פסוקים שנועדו להיות עוגן קטן בתוך היום. אפשר לקרוא אחד בבוקר, לפני פגישה, בזמן לחץ, או בכל רגע שבו צריך להיזכר שיש על מי להישען.
פסוקי תקווה וישועה
לרגעים שבהם צריך לזכור שגם כשלא רואים את הדרך, הישועה יכולה להיפתח.
חַי־יְהוָה, וּבָרוּךְ צוּרִי; וְיָרֻם, אֱלֹהֵי צוּר יִשְׁעִי.
שמואל ב׳ כב, מז
וְאָמַר בַּיּוֹם הַהוּא, הִנֵּה אֱלֹהֵינוּ זֶה קִוִּינוּ לוֹ וְיוֹשִׁיעֵנוּ; זֶה יְהוָה קִוִּינוּ לוֹ, נָגִילָה וְנִשְׂמְחָה בִּישׁוּעָתוֹ.
ישעיהו כה, ט
יְהוָה חָנֵּנוּ, לְךָ קִוִּינוּ; הֱיֵה זְרֹעָם לַבְּקָרִים, אַף־יְשׁוּעָתֵנוּ בְּעֵת צָרָה.
ישעיהו לג, ב
וְקוֹיֵ יְהוָה יַחֲלִיפוּ כֹחַ, יַעֲלוּ אֵבֶר כַּנְּשָׁרִים; יָרוּצוּ וְלֹא יִיגָעוּ, יֵלְכוּ וְלֹא יִיעָפוּ.
ישעיהו מ, לא
וְיָדַעַתְּ כִּי־אֲנִי יְהוָה, אֲשֶׁר לֹא־יֵבֹשׁוּ קֹוָי.
ישעיהו מט, כג
וִישׁוּעָתִי לְעוֹלָם תִּהְיֶה, וְצִדְקָתִי לֹא תֵחָת.
ישעיהו נא, ו
וְצִדְקָתִי לְעוֹלָם תִּהְיֶה, וִישׁוּעָתִי לְדוֹר דּוֹרִים.
ישעיהו נא, ח
כֹּה אָמַר יְהוָה, שִׁמְרוּ מִשְׁפָּט וַעֲשׂוּ צְדָקָה; כִּי־קְרוֹבָה יְשׁוּעָתִי לָבוֹא, וְצִדְקָתִי לְהִגָּלוֹת.
ישעיהו נו, א
חַי־יְהוָה, וּבָרוּךְ צוּרִי; וְיָרוּם, אֱלוֹהֵי יִשְׁעִי.
תהלים יח, מז
גַּם כָּל־קֹוֶיךָ, לֹא יֵבֹשׁוּ; יֵבֹשׁוּ, הַבּוֹגְדִים רֵיקָם.
תהלים כה, ג
הַדְרִיכֵנִי בַאֲמִתֶּךָ, וְלַמְּדֵנִי; כִּי־אַתָּה, אֱלֹהֵי יִשְׁעִי; אוֹתְךָ קִוִּיתִי, כָּל־הַיּוֹם.
תהלים כה, ה
כִּי מְרֵעִים יִכָּרֵתוּן; וְקוֹיֵ יְהוָה, הֵמָּה יִירְשׁוּ־אָרֶץ.
תהלים לז, ט
אַךְ אֶל־אֱלֹהִים, דּוּמִיָּה נַפְשִׁי; מִמֶּנּוּ, יְשׁוּעָתִי.
תהלים סב, ב
אַךְ לֵאלֹהִים, דּוֹמִּי נַפְשִׁי; כִּי־מִמֶּנּוּ, תִּקְוָתִי.
תהלים סב, ו
בָּרוּךְ אֲדֹנָי, יוֹם יוֹם; יַעֲמָס־לָנוּ, הָאֵל יְשׁוּעָתֵנוּ סֶלָה.
תהלים סח, כ
יְהוָה, אֱלֹהֵי יְשׁוּעָתִי; יוֹם־צָעַקְתִּי בַלַּיְלָה נֶגְדֶּךָ.
תהלים פח, ב
פסוקי מגן ומחסה
לרגעים שבהם צריך להרגיש שיש סביבך שמירה, גבול, מחסה ונוכחות שמחזיקה אותך.
אֱלֹהֵי צוּרִי, אֶחֱסֶה־בּוֹ; מָגִנִּי וְקֶרֶן יִשְׁעִי, מִשְׂגַּבִּי וּמְנוּסִי; מֹשִׁעִי, מֵחָמָס תֹּשִׁעֵנִי.
שמואל ב׳ כב, ג
כִּי־הָיִיתָ מָעוֹז לַדָּל, מָעוֹז לָאֶבְיוֹן בַּצַּר־לוֹ; מַחְסֶה מִזֶּרֶם, צֵל מֵחֹרֶב.
ישעיהו כה, ד
אַל־תִּהְיֵה־לִי לִמְחִתָּה; מַחֲסִי־אַתָּה בְּיוֹם רָעָה.
ירמיהו יז, יז
וַיהוָה מַחֲסֶה לְעַמּוֹ וּמָעוֹז לִבְנֵי יִשְׂרָאֵל.
יואל ד, טז
וַאֲנִי בַּיהוָה אֲצַפֶּה; אוֹחִילָה לֵאלֹהֵי יִשְׁעִי, יִשְׁמָעֵנִי אֱלֹהָי.
מיכה ז, ז
וַאֲנִי בַּיהוָה אֶעְלוֹזָה; אָגִילָה בֵּאלֹהֵי יִשְׁעִי.
חבקוק ג, יח
מָגִנִּי עַל־אֱלֹהִים; מוֹשִׁיעַ יִשְׁרֵי־לֵב.
תהלים ז, יא
וִיהִי יְהוָה מִשְׂגָּב לַדָּךְ; מִשְׂגָּב לְעִתּוֹת בַּצָּרָה.
תהלים ט, י
יְהוָה סַלְעִי וּמְצוּדָתִי וּמְפַלְטִי; אֵלִי צוּרִי אֶחֱסֶה־בּוֹ, מָגִנִּי וְקֶרֶן־יִשְׁעִי מִשְׂגַּבִּי.
תהלים יח, ג
לְדָוִד: יְהוָה אוֹרִי וְיִשְׁעִי, מִמִּי אִירָא; יְהוָה מָעוֹז־חַיַּי, מִמִּי אֶפְחָד.
תהלים כז, א
אַל־תַּסְתֵּר פָּנֶיךָ מִמֶּנִּי, אַל־תַּט בְּאַף עַבְדֶּךָ; עֶזְרָתִי הָיִיתָ, אַל־תִּטְּשֵׁנִי וְאַל־תַּעַזְבֵנִי אֱלֹהֵי יִשְׁעִי.
תהלים כז, ט
יְהוָה עֻזִּי וּמָגִנִּי, בּוֹ בָטַח לִבִּי וְנֶעֱזָרְתִּי; וַיַּעֲלֹז לִבִּי, וּמִשִּׁירִי אֲהוֹדֶנּוּ.
תהלים כח, ז
אֱלֹהִים לָנוּ מַחֲסֶה וָעֹז; עֶזְרָה בְצָרוֹת נִמְצָא מְאֹד.
תהלים מו, ב
יְהוָה צְבָאוֹת עִמָּנוּ; מִשְׂגָּב לָנוּ אֱלֹהֵי יַעֲקֹב סֶלָה.
תהלים מו, ח
וַאֲנִי אָשִׁיר עֻזֶּךָ, וַאֲרַנֵּן לַבֹּקֶר חַסְדֶּךָ; כִּי־הָיִיתָ מִשְׂגָּב לִי, וּמָנוֹס בְּיוֹם צַר־לִי.
תהלים נט, יז
כִּי־הָיִיתָ מַחֲסֶה לִי; מִגְדַּל־עֹז מִפְּנֵי אוֹיֵב.
תהלים סא, ד
אַךְ־הוּא צוּרִי וִישׁוּעָתִי; מִשְׂגַּבִּי, לֹא־אֶמּוֹט רַבָּה.
תהלים סב, ג
עַל־אֱלֹהִים, יִשְׁעִי וּכְבוֹדִי; צוּר־עֻזִּי מַחְסִי, בֵּאלֹהִים.
תהלים סב, ח
כְּמוֹפֵת, הָיִיתִי לְרַבִּים; וְאַתָּה מַחֲסִי־עֹז.
תהלים עא, ז
כִּי־אַתָּה יְהוָה מַחְסִי; עֶלְיוֹן, שַׂמְתָּ מְעוֹנֶךָ.
תהלים צא, ט
פסוקי ביטחון
לרגעים שבהם צריך לחזור לביטחון פשוט: אני עושה את שלי, והשם מוליך את הדרך.
מִי בָכֶם יְרֵא יְהוָה, שֹׁמֵעַ בְּקוֹל עַבְדּוֹ; אֲשֶׁר הָלַךְ חֲשֵׁכִים, וְאֵין נֹגַהּ לוֹ, יִבְטַח בְּשֵׁם יְהוָה, וְיִשָּׁעֵן בֵּאלֹהָיו.
ישעיהו נ, י
בָּרוּךְ הַגֶּבֶר, אֲשֶׁר יִבְטַח בַּיהוָה; וְהָיָה יְהוָה, מִבְטַחוֹ.
ירמיהו יז, ז
וְהָיָה כְּעֵץ שָׁתוּל עַל־מַיִם, וְעַל־יוּבַל יְשַׁלַּח שָׁרָשָׁיו; וּבִשְׁנַת בַּצֹּרֶת לֹא יִדְאָג, וְלֹא יָמִישׁ מֵעֲשׂוֹת פֶּרִי.
ירמיהו יז, ח
כִּי מַלֵּט אֲמַלֶּטְךָ, וּבַחֶרֶב לֹא תִפֹּל; וְהָיְתָה לְךָ נַפְשְׁךָ לְשָׁלָל, כִּי־בָטַחְתָּ בִּי נְאֻם־יְהוָה.
ירמיהו לט, יח
זִבְחוּ זִבְחֵי־צֶדֶק; וּבִטְחוּ, אֶל־יְהוָה.
תהלים ד, ו
בְּשָׁלוֹם יַחְדָּו, אֶשְׁכְּבָה וְאִישָׁן; כִּי־אַתָּה יְהוָה לְבָדָד, לָבֶטַח תּוֹשִׁיבֵנִי.
תהלים ד, ט
וְיִבְטְחוּ בְךָ, יוֹדְעֵי שְׁמֶךָ; כִּי לֹא־עָזַבְתָּ דֹרְשֶׁיךָ יְהוָה.
תהלים ט, יא
וַאֲנִי, בְּחַסְדְּךָ בָטַחְתִּי; יָגֵל לִבִּי בִּישׁוּעָתֶךָ; אָשִׁירָה לַיהוָה, כִּי גָמַל עָלָי.
תהלים יג, ו
כִּי־הַמֶּלֶךְ, בֹּטֵחַ בַּיהוָה; וּבְחֶסֶד עֶלְיוֹן, בַּל־יִמּוֹט.
תהלים כא, ח
בְּךָ, בָטְחוּ אֲבֹתֵינוּ; בָּטְחוּ, וַתְּפַלְּטֵמוֹ.
תהלים כב, ה
אֵלֶיךָ זָעֲקוּ וְנִמְלָטוּ; בְּךָ בָטְחוּ וְלֹא־בוֹשׁוּ.
תהלים כב, ו
אֱלֹהַי, בְּךָ בָטַחְתִּי; אַל־אֵבוֹשָׁה, אַל־יַעַלְצוּ אוֹיְבַי לִי.
תהלים כה, ב
לְדָוִד: שָׁפְטֵנִי יְהוָה, כִּי־אֲנִי בְּתֻמִּי הָלַכְתִּי; וּבַיהוָה בָּטַחְתִּי, לֹא אֶמְעָד.
תהלים כו, א
אִם־תַּחֲנֶה עָלַי מַחֲנֶה, לֹא־יִירָא לִבִּי; אִם־תָּקוּם עָלַי מִלְחָמָה, בְּזֹאת אֲנִי בוֹטֵחַ.
תהלים כז, ג
שָׂנֵאתִי, הַשֹּׁמְרִים הַבְלֵי־שָׁוְא; וַאֲנִי, אֶל־יְהוָה בָּטָחְתִּי.
תהלים לא, ז
וַאֲנִי, עָלֶיךָ בָטַחְתִּי יְהוָה; אָמַרְתִּי, אֱלֹהַי אָתָּה.
תהלים לא, טו
רַבִּים מַכְאוֹבִים לָרָשָׁע; וְהַבּוֹטֵחַ בַּיהוָה, חֶסֶד יְסוֹבְבֶנּוּ.
תהלים לב, י
כִּי־בוֹ יִשְׂמַח לִבֵּנוּ; כִּי בְשֵׁם קָדְשׁוֹ בָטָחְנוּ.
תהלים לג, כא
בְּטַח בַּיהוָה, וַעֲשֵׂה־טוֹב; שְׁכָן־אֶרֶץ, וּרְעֵה אֱמוּנָה.
תהלים לז, ג
גּוֹל עַל־יְהוָה דַּרְכֶּךָ; וּבְטַח עָלָיו, וְהוּא יַעֲשֶׂה.
תהלים לז, ה
וַיִּתֵּן בְּפִי שִׁיר חָדָשׁ, תְּהִלָּה לֵאלֹהֵינוּ; יִרְאוּ רַבִּים וְיִירָאוּ, וְיִבְטְחוּ בַּיהוָה.
תהלים מ, ד
אַשְׁרֵי הַגֶּבֶר, אֲשֶׁר־שָׂם יְהוָה מִבְטַחוֹ; וְלֹא־פָנָה אֶל־רְהָבִים, וְשָׂטֵי כָזָב.
תהלים מ, ה
וַאֲנִי, כְּזַיִת רַעֲנָן בְּבֵית אֱלֹהִים; בָּטַחְתִּי בְחֶסֶד־אֱלֹהִים, עוֹלָם וָעֶד.
תהלים נב, י
וַאֲנִי, אֶבְטַח־בָּךְ.
תהלים נה, כד
הַשְׁלֵךְ עַל־יְהוָה יְהָבְךָ, וְהוּא יְכַלְכְּלֶךָ; לֹא־יִתֵּן לְעוֹלָם מוֹט לַצַּדִּיק.
תהלים נה, כג
יוֹם אִירָא; אֲנִי, אֵלֶיךָ אֶבְטָח.
תהלים נו, ד
בֵּאלֹהִים, אֲהַלֵּל דְּבָרוֹ; בֵּאלֹהִים בָּטַחְתִּי, לֹא אִירָא; מַה־יַּעֲשֶׂה בָשָׂר לִי.
תהלים נו, ה
בֵּאלֹהִים בָּטַחְתִּי, לֹא אִירָא; מַה־יַּעֲשֶׂה אָדָם לִי.
תהלים נו, יב
בִּטְחוּ בוֹ בְכָל־עֵת, עָם; שִׁפְכוּ־לְפָנָיו לְבַבְכֶם, אֱלֹהִים מַחֲסֶה־לָּנוּ סֶלָה.
תהלים סב, ט
כִּי־אַתָּה תִקְוָתִי; אֲדֹנָי יְהוִה, מִבְטַחִי מִנְּעוּרָי.
תהלים עא, ה
יְהוָה צְבָאוֹת; אַשְׁרֵי אָדָם, בֹּטֵחַ בָּךְ.
תהלים פד, יג
שָׁמְרָה נַפְשִׁי, כִּי־חָסִיד אָנִי; הוֹשַׁע עַבְדְּךָ, אַתָּה אֱלֹהַי, הַבּוֹטֵחַ אֵלֶיךָ.
תהלים פו, ב
אֹמַר לַיהוָה: מַחְסִי וּמְצוּדָתִי; אֱלֹהַי, אֶבְטַח־בּוֹ.
תהלים צא, ב
מִשְּׁמוּעָה רָעָה, לֹא יִירָא; נָכוֹן לִבּוֹ, בָּטֻחַ בַּיהוָה.
תהלים קיב, ז
יִשְׂרָאֵל, בְּטַח בַּיהוָה; עֶזְרָם וּמָגִנָּם הוּא.
תהלים קטו, ט
בֵּית אַהֲרֹן, בִּטְחוּ בַיהוָה; עֶזְרָם וּמָגִנָּם הוּא.
תהלים קטו, י
יִרְאֵי יְהוָה, בִּטְחוּ בַיהוָה; עֶזְרָם וּמָגִנָּם הוּא.
תהלים קטו, יא
טוֹב, לַחֲסוֹת בַּיהוָה; מִבְּטֹחַ, בָּאָדָם.
תהלים קיח, ח
טוֹב, לַחֲסוֹת בַּיהוָה; מִבְּטֹחַ, בִּנְדִיבִים.
תהלים קיח, ט
וְאֶעֱנֶה חֹרְפִי דָבָר; כִּי־בָטַחְתִּי, בִּדְבָרֶךָ.
תהלים קיט, מב
רְחַב־נֶפֶשׁ, יְגָרֶה מָדוֹן; וּבֹטֵחַ עַל־יְהוָה יְדֻשָּׁן.
משלי כח, כה
חֶרְדַּת אָדָם, יִתֵּן מוֹקֵשׁ; וּבוֹטֵחַ בַּיהוָה יְשֻׂגָּב.
משלי כט, כה
רוצה לקבל בכל שבוע קוד חדש מהכספת?
בכל שבוע עולה קוד קצר למחשבה, תרגול ושאלה שמחזירה אותך לעצמך.
לחזרה לקודים השבועיים
